HARBIY XIZMATCHILARI TOMONIDAN XORIJIY MEHMONNING MOBIL TELEFONINI TOPISHDA AMALIY YORDAM KO‘RSATILDI.
Joriy yilning 21 iyun kuni soat 18.40 atrofida Chorsu bozori hududida jamoat tartibi va fuqarolarning xavfsizligini taʼminlayotgan harbiy xizmatchilarga nomaʼlum shaxs murojaat qilib, o‘zini Tojikiston Respublikasidan kelgan mehmon sifatida tanishtirgan va “Ko‘kaldosh” masjidiga kiraverishda uyali telefonini unutib qoldirganini maʼlum qilgan. Uyali telefonini qoldirgani esiga tushganidan so‘ng masjidga qaytib kelgan, lekin telefon u yerda yo‘qligini bilgach, harbiy xizmatchilariga murojaat qilgan.
Harbiy xizmatchilar jabrlanuvchi bilan birgalikda Shahar ichki ishlar boshqarmasiga borib, tashqi kuzatuv kameralaridan saqlangan videolarni ko‘zdan kechirishgan. Kuzatuv natijasida nomaʼlum shaxs chet el fuqarosi tomonidan unutilib qoldirilgan mobil telefonni olib ketgani maʼlum bo‘lgan. Dastlabki surishtiruv natijasida huquqbuzar qo‘lga olinib, mobil telefon egasiga qaytarilgan.
Hozirda mazkur holat yuzasidan surishtiruv ishlari IIB tomonidan olib borilmoqda.
