Milliy gvardiya tizimidagi ayol harbiy xizmatchi va xodimlari o‘rtasida "Xon atlas" festivali tashkillashtirildi
O‘zbekiston Respublikasi Kambag‘allikni qisqartirish va bandlik vazirligi huzuridagi Oila va xotin-qizlar qo‘mitasi tashabbusi bilan bugun, 28 sentyabr kuni respublikamiz bo‘ylab “Xon atlas” festivali o‘tkazildi.
Millionlab ayollarimizni qamrab olgan mazkur festival doirasida Milliy gvardiya Xotin-qizlar jamoatchilik kengashi tomonidan ham turli tadbirlar tashkil etilib, tizimda xizmat olib borayotgan jasur va go‘zal xotin-qizlarimizning munosib ishtiroki taʼminlandi.
Xalqimizning ming asrlik o‘tmishi, urf-odat va anʼanalarini o‘zida namoyon etib kelgan milliy liboslarimizni kiygan harbiy ayollarimiz har qachongidan ham go‘zal ko‘rinish berishdi.
Bu kabi targ‘ibot tadbirlari kelgusida respublikamiz xotin-qizlarining betakror milliy matolarimiz bo‘lgan adras va atlas liboslariga bo‘lgan qiziqishlarini yana-da orttirishiga ishonamiz.
