Xorazm viloyatida Milliy gvardiya tizimida xizmat qilayotgan harbiy xizmatchi va xodimlar ishtirokida "Jaloliddin Manguberdi vorislari" tanlovining Respublika bosqichi bo‘lib o‘tdi.
Mazkur tanlov bilimdonlar bellashuvi, kamondan otish, ot ustida nayza uloqtirish, qo‘l granatasini uzoqlikka va aniqlikka uloqtirish, turnikda tortilish, qurolni noto‘liq qismlarga ajratish va yig‘ish hamda 3 km masofaga yugurish shartlari bo‘yicha o‘tkazildi.
Murosasiz va qizg‘in bahslarga boy bo‘lgan bellashuv yakunida g‘oliblar munosib rag‘batlantirildi. Yakuniy natijalarga ko‘ra faxrli 3-o‘rinni Milliy gvardiya Sirdaryo viloyati bo‘yicha boshqarmasi jamoasi, faxrli 2-o‘rinni O‘zbekiston Respublikasi Milliy gvardiyasi 98162 harbiy qism jamoasi,
musobaqaning mutloq g‘olibi faxrli 1-o‘rinni Milliy gvardiya Xorazm viloyati bo‘yicha boshqarmasi jamoasi qo‘lga kiritdi.
Tadbir yakunida Urganch shahrida joylashgan Musiqali drama teatrida Xorazm viloyati Madaniyat boshqarmasi xonandalari tomonidan kuy va qo‘shiqlar ijro etildi. Shuningdek, Jaloliddin Manguberdi hayotiga bag‘ishlangan sahna ko‘rinishlari namoyish etildi.
