“IBRATLI OILA” KO‘RIK-TANLOVI
Milliy gvardiya Xorazm viloyati va Qoraqalpog‘iston Respublikasi bo‘yicha boshqarmalari o‘rtasida “Mustahkam oila – jamiyat tayanchi”, “Oila - muqaddas” va “Sog‘lom oila – sog‘lom jamiyat” kabi konseptual g‘oyalar negizida tizimda xizmat qilayotgan harbiy xizmatchilari oila aʼzolarining ijodiy salohiyatini rivojlantirish va harbiylarning oilalaridagi ijobiy hayotiy tajribani ommalashtirish maqsadida “Ibratli oila” ko‘rik-tanlovining dastlabki bosqichi bo‘lib o‘tdi.
Mazkur ko‘rik-tanlov Milliy gvardiya harbiy xizmatchilari va ularning oila aʼzolari ongida tariximiz, milliy anʼanalarimiz va urf-odatlarimizga chuqur hurmat va ehtiromlarni yuksaltirish, harbiy xizmatchi va ularning oila aʼzolarining bo‘sh vaqtini foydali ishlarga yo‘naltirish, ijodiy tashabbuskorliklarni shakllantirib, ular orasida sog‘lom raqobat muhitini qaror toptirish, amalga oshirilgan sohaga oid ishlarni yangi marralarga ko‘tarishga qaratilgan.
Qizg‘in shartlardan iborat bo‘lgan mazkur ko‘rik-tanlov yuqori kayfiyatda va do‘stona muhitda o‘tkazildi. Natijalarga ko‘ra Qoraqalpog‘iston Respublikasi bo‘yicha boshqarmasi birinchilikni egallab, respublika bosqichiga yo‘llanmani qo‘lga kiritdi.
