“ИБРАТЛИ ОИЛА” КЎРИК-ТАНЛОВИ
Миллий гвардия Хоразм вилояти ва Қорақалпоғистон Республикаси бўйича бошқармалари ўртасида “Мустаҳкам оила – жамият таянчи”, “Оила - муқаддас” ва “Соғлом оила – соғлом жамият” каби концептуал ғоялар негизида тизимда хизмат қилаётган ҳарбий хизматчилари оила аъзоларининг ижодий салоҳиятини ривожлантириш ва ҳарбийларнинг оилаларидаги ижобий ҳаётий тажрибани оммалаштириш мақсадида “Ибратли оила” кўрик-танловининг дастлабки босқичи бўлиб ўтди.
Мазкур кўрик-танлов Миллий гвардия ҳарбий хизматчилари ва уларнинг оила аъзолари онгида тарихимиз, миллий анъаналаримиз ва урф-одатларимизга чуқур ҳурмат ва эҳтиромларни юксалтириш, ҳарбий хизматчи ва уларнинг оила аъзоларининг бўш вақтини фойдали ишларга йўналтириш, ижодий ташаббускорликларни шакллантириб, улар орасида соғлом рақобат муҳитини қарор топтириш, амалга оширилган соҳага оид ишларни янги марраларга кўтаришга қаратилган.
Қизғин шартлардан иборат бўлган мазкур кўрик-танлов юқори кайфиятда ва дўстона муҳитда ўтказилди. Натижаларга кўра Қорақалпоғистон Республикаси бўйича бошқармаси биринчиликни эгаллаб, республика босқичига йўлланмани қўлга киритди.
