Davlatimiz rahbarining yoshlar maʼnaviyatini yuksaltirishga qaratilgan besh muhim tashabbusi taʼlim-tarbiya tizimini zamonaviy talablar asosida tashkil etishda muhim ahamiyat kasb etmoqda. Ayniqsa, yoshlarning o‘z isteʼdod va qobiliyatlarini namoyon etishda, kasb-hunar egallashlarida, bo‘sh vaqtlarini mazmunli o‘tkazishlarida muhim omil bo‘lmoqda.

Xususan, Milliy gvardiya Surxondaryo viloyati bo‘yicha boshqarmasi harbiy xizmatchilari hamda Qo‘riqlash boshqarmasi xodimlari Sho‘rchi tumanida joylashgan 122-sonli kar va zaif eshituvchi bolalar uchun ixtisoslashtirilgan maktab internatiga tashrif buyurib, muassasada besh tashabbus doirasida o‘quvchi yoshlarning puxta bilim olishlari uchun yaratilgan shart-sharoitlar va imkoniyatlar bilan yaqindan tanishdilar. Mazkur maktabda bugungi kunda 400 nafardan ortiq o‘quvchilar taʼlim-tarbiya olib, o‘g‘il-qizlarning har birining o‘z dunyoqarashi, qiziqishi bor. Ularning imkoniyati cheklangan bo‘lishiga qaramay, imkoniyati cheksiz tengdoshlari singari kitobxonlikka, sanʼatga, sportga hamda kompyuter savodxonligini qunt bilan qiziqib o‘rganishga ishtiyoqi baland ekanligi quvonarli.

Milliy gvardiya xodimlari tomonidan o‘quvchi yoshlarga sport anjomlari sovg‘a qilindi.

Tashrif davomida, maktab maʼmuriyati bilan hamkorlikda mazkur dargohda turli maʼnaviy-maʼrifiy hamda sport tadbirlarini o‘tkazish borasida kelgusi rejalar haqida kelishib olindi.