AYOLLAR DAVLAT VA JAMIYAT EʼTIBORIDA
O‘zbekiston Respublikasi Milliy gvardiyasi Markaziy devoni Xotin-qizlar jamoatchilik kengashi raisi o‘rinbosari hamda kengashning faol va tashabbuskor aʼzolari Farg‘ona viloyati bo‘yicha boshqarmasiga tashrif buyurishdi. Tashrif mobaynida harbiy xizmatchi va ularning turmush o‘rtoqlari bilan uchrashuv o‘tkazilib, unda bir qator mutasaddi tashkilot vakillari ishtirokida maʼnaviyatni yuksaltirishga asoslangan tadbir bo‘lib o‘tdi.
Unda so‘z olganlar hozirgi kunda oilaning jamiyatda tutgan o‘rnini yana-da oshirish, uni huquqiy, ijtimoiy, iqtisodiy va maʼnaviy-axloqiy jihatdan qo‘llab-quvvatlash maqsadida amalga oshirilayotgan bir qator samarali ishlar to‘g‘risida gapirib o‘tishdi.
Kunning ikkinchi qismida, ayol harbiy xizmatchilar va qo‘riqlash boshqarmasi xodimalari Marg‘ilon shahrida joylashgan Jahon Otin Uvaysiy va Ekin Vohidov muzeylariga tashrif buyurishdi.
Mazkur tashrif davomida millatimiz faxru iftixori bo‘lgan shoirlarning hayoti va ijodi bilan yaqindan tanishilib, ijodiga doir sheʼriy davra suhbati o‘tkazildi.
Shuningdek, harbiy xizmatchilarning innovatsion texnologiyalar haqidagi bilimlarini yana-da oshirish va mustahkamlash maqsadida “IT PARK”ka tashrif uyushtirildi.
Unda soha mutaxassislari ishtirokida axborot texnologiyalari yutuqlari, soha kadrlarini tayyorlash, robototexnikaning rivojlanish va dasturiy taʼminot bazalari to‘g‘risida fikrlar almashilib, keng doirada muhokama qilindi.
Kun davomida o‘tkazilgan tadbirlardan olingan taassurot va bilimlar harbiy xizmatchi va xodimlarga estetik hamda maʼnaviy zavq bag‘ishlab, olingan tajriba hamda bilimlar kelgusidagi xizmat faoliyatlarini yana-da samarali bo‘lishiga o‘z hissasini qo‘shadi.
