АЁЛЛАР ДАВЛАТ ВА ЖАМИЯТ ЭЪТИБОРИДА
Ўзбекистон Республикаси Миллий гвардияси Марказий девони Хотин-қизлар жамоатчилик кенгаши раиси ўринбосари ҳамда кенгашнинг фаол ва ташаббускор аъзолари Фарғона вилояти бўйича бошқармасига ташриф буюришди. Ташриф мобайнида ҳарбий хизматчи ва уларнинг турмуш ўртоқлари билан учрашув ўтказилиб, унда бир қатор мутасадди ташкилот вакиллари иштирокида маънавиятни юксалтиришга асосланган тадбир бўлиб ўтди.
Унда сўз олганлар ҳозирги кунда оиланинг жамиятда тутган ўрнини янада ошириш, уни ҳуқуқий, ижтимоий, иқтисодий ва маънавий-ахлоқий жиҳатдан қўллаб-қувватлаш мақсадида амалга оширилаётган бир қатор самарали ишлар тўғрисида гапириб ўтишди.
Куннинг иккинчи қисмида, аёл ҳарбий хизматчилар ва қўриқлаш бошқармаси ходималари Марғилон шаҳрида жойлашган Жаҳон Отин Увайсий ва Экин Воҳидов музейларига ташриф буюришди.
Мазкур ташриф давомида миллатимиз фахру ифтихори бўлган шоирларнинг ҳаёти ва ижоди билан яқиндан танишилиб, ижодига доир шеърий давра суҳбати ўтказилди.
Шунингдек, ҳарбий хизматчиларнинг инновацион технологиялар ҳақидаги билимларини янада ошириш ва мустаҳкамлаш мақсадида “IT PARK”ка ташриф уюштирилди.
Унда соҳа мутахассислари иштирокида ахборот технологиялари ютуқлари, соҳа кадрларини тайёрлаш, робототехниканинг ривожланиш ва дастурий таъминот базалари тўғрисида фикрлар алмашилиб, кенг доирада муҳокама қилинди.
Кун давомида ўтказилган тадбирлардан олинган таассурот ва билимлар ҳарбий хизматчи ва ходимларга эстетик ҳамда маънавий завқ бағишлаб, олинган тажриба ҳамда билимлар келгусидаги хизмат фаолиятларини янада самарали бўлишига ўз ҳиссасини қўшади.
