Harbiy xizmatchi va xodimlarning oʻzlashtirgan bilim va koʻnikmalari sinovlarda, yuqori jangovar shaylik esa o‘quv mashqlarda toblanadi
Mamlakatimizda jamoat tartibini saqlash, jismoniy va yuridik shaxslarning mol-mulklarini ishonchli qo‘riqlovini taʼminlashda avvalo, Qo‘riqlash boshqarmasi bo‘linmalari xodimlarining jismoniy va jangovar shayligi muhim sanaladi. Har tomonlama yetuk, mustahkam irodali, jismoniy chiniqqan xodimlarni tayyorlash borasida esa tizimda muntazam nazariy va amaliy mashg‘ulotlar o‘tkazilib borilmoqda. Xususan, Farg‘ona viloyati Qo‘riqlash boshqarmasi xodimlarining doimiy jangovar shayligini taʼminlash borasida dala o‘quv poligonlarida amaliy mashg‘ulotlar o‘tkazildi.
Mashg‘ulotlar davomida, tabel qurollarini qismlarga ajratish va yig‘ish hamda amaliy o‘q otish mashqlari o‘tkazildi. Olib borilayotgan bu kabi ishlar, mashqlarda toblanayotgan professional kadrlarning har qanday vaziyatda doimo hushyor va sergak bo‘lishlarida, jinoyat va huquqbuzarliklarning barvaqt oldini olishlarida muhim rol o‘ynaydi.
