Ҳарбий хизматчи ва ходимларнинг ўзлаштирган билим ва кўникмалари синовларда, юқори жанговар шайлик эса ўқув машқларда тобланади
Мамлакатимизда жамоат тартибини сақлаш, жисмоний ва юридик шахсларнинг мол-мулкларини ишончли қўриқловини таъминлашда аввало, Қўриқлаш бошқармаси бўлинмалари ходимларининг жисмоний ва жанговар шайлиги муҳим саналади. Ҳар томонлама етук, мустаҳкам иродали, жисмоний чиниққан ходимларни тайёрлаш борасида эса тизимда мунтазам назарий ва амалий машғулотлар ўтказилиб борилмоқда. Хусусан, Фарғона вилояти Қўриқлаш бошқармаси ходимларининг доимий жанговар шайлигини таъминлаш борасида дала ўқув полигонларида амалий машғулотлар ўтказилди.
Машғулотлар давомида, табель қуролларини қисмларга ажратиш ва йиғиш ҳамда амалий ўқ отиш машқлари ўтказилди. Олиб борилаётган бу каби ишлар, машқларда тобланаётган профессионал кадрларнинг ҳар қандай вазиятда доимо ҳушёр ва сергак бўлишларида, жиноят ва ҳуқуқбузарликларнинг барвақт олдини олишларида муҳим роль ўйнайди.
