Joriy yilning 25 noyabr kuni Navoiy shahrida O‘zbekiston Respublikasi Milliy gvardiyasi bo‘linmalari o‘rtasida sportning sambo turi bo‘yicha Milliy gvardiya birinchiligi uchun musobaqa bo‘lib o‘tdi.
Joriy yilning 25 noyabr kuni Navoiy shahar Kurash maktabida O‘zbekiston Respublikasi Milliy gvardiyasi bo‘linmalari o‘rtasida sportning sambo turi bo‘yicha Milliy gvardiya birinchiligi uchun musobaqa bo‘lib o‘tdi.
Mazkur musobaqada O‘zbekiston Respublikasi Milliy gvardiyasi Markaziy devoni masʼul ofitserlari, Navoiy viloyati hokimligi, turizm va sport bosh boshqarmasi, huquqni muhofaza qiluvchi idoralar rahbarlari hamda keng jamoatchilik vakillari ishtirok etdi.
Bellashuv davomida sportchilarimiz buyuk ajdodlarimizga, polvonlarimizga xos mardlik, jasurlik ko‘rsatib milliy anʼanalarga sodiq qolgan holda halol kurash olib borishdi.
Yakuniy natijalarga ko‘ra, umumjamoa hisobida 1- o‘rinni Qoraqalpog‘iston Respublikasi bo‘yicha boshqarmasi, 2-o‘rinni 65921-harbiy qism jamoasi hamda 3 - o‘rinni Milliy gvardiya Samarqand viloyati bo‘yicha boshqarmasi jamoalari qo‘lga kiritishdi.
Musobaqa so‘ngida g‘oliblar tashkilotchilar tomonidan kubok,medal, diplom va esdalik sovg‘alar bilan taqdirlandi.
