Avval xabar qilganimizdek, Davlatimiz rahbarining topshiriqlarini amaliy ijrosini taʼminlash yuzasidan Milliy gvardiya qo‘mondoni R.Djurayev boshchiligidagi idoralararo ishchi guruh Samarqand viloyatida o‘rganish ishlarini davom ettirmoqda.
Tadbirda asosiy eʼtibor aholi muammolarini aniqlash va ularni bartaraf etish hamda kriminogen vaziyat barqarorligini taʼminlashga qaratilgan
O‘rganishlar davomida viloyat aholisining elektr energiyasi, gaz hamda ichimlik suvi bilan taʼminlanganlik ahvoli va fuqarolarning ushbu tizimdan roziligi, isteʼmol bozorlaridagi narx-navo barqarorligi, shu bilan birga, hududdagi ijtimoiy-iqtisodiy jihatdan og‘ir mahallalardagi “beshlik” yaʼni sektor rahbarlari, mahalla raislari, mahalladagi hokim yordamchilari, yoshlar yetakchilari, shuningdek, xotin-qizlar faollari tomonidan fuqarolarni qabul qilish va ularning muammolarini hal etish amaliyotiga oid masalalarga alohida eʼtibor qaratilmoqda.
Shu bilan bir qatorda, aholini tashvishga solayotgan dolzarb kundalik ijtimoiy-maishiy muammolarni hal etishda sektorlar faoliyatining samaradorligi, ishsizlik va kambag‘allikni qisqartirish, oilaviy tadbirkorlik, yoshlar va ayollarning tashabbuskor loyihalariga ko‘maklashish choralari ko‘rilmoqda.
