Аввал хабар қилганимиздек, Давлатимиз раҳбарининг топшириқларини амалий ижросини таъминлаш юзасидан Миллий гвардия қўмондони Р.Джураев бошчилигидаги идоралараро ишчи гуруҳ Самарқанд вилоятида ўрганиш ишларини давом эттирмоқда.
Тадбирда асосий эътибор аҳоли муаммоларини аниқлаш ва уларни бартараф этиш ҳамда криминоген вазият барқарорлигини таъминлашга қаратилган
Ўрганишлар давомида вилоят аҳолисининг электр энергияси, газ ҳамда ичимлик суви билан таъминланганлик аҳволи ва фуқароларнинг ушбу тизимдан розилиги, истеъмол бозорларидаги нарх-наво барқарорлиги, шу билан бирга, ҳудуддаги ижтимоий-иқтисодий жиҳатдан оғир маҳаллалардаги “бешлик” яъни сектор раҳбарлари, маҳалла раислари, маҳалладаги ҳоким ёрдамчилари, ёшлар етакчилари, шунингдек, хотин-қизлар фаоллари томонидан фуқароларни қабул қилиш ва уларнинг муаммоларини ҳал этиш амалиётига оид масалаларга алоҳида эътибор қаратилмоқда.
Шу билан бир қаторда, аҳолини ташвишга солаётган долзарб кундалик ижтимоий-маиший муаммоларни ҳал этишда секторлар фаолиятининг самарадорлиги, ишсизлик ва камбағалликни қисқартириш, оилавий тадбиркорлик, ёшлар ва аёлларнинг ташаббускор лойиҳаларига кўмаклашиш чоралари кўрилмоқда.
