KARANTIN TALABLARI IJROSI BO‘YICHA REYDLAR O‘TKAZILDI
O‘zbekiston Respublikasi hududiga koronavirus infeksiyasining yana-da keng tarqalishining oldini olish yuzasidan chora-tadbirlar dasturini tayyorlash bo‘yicha respublika maxsus komissiyasining talablarini ijrosini taʼminlash maqsadida bir qator chora-tadbirlar amalga oshirilmoqda.
Jumladan, joriy yilning 22 iyul kuni Milliy gvardiya Navoiy viloyati bo‘yicha boshqarmasi tomonidan reyd guruhlar tashkil etilib, Navoiy shahar va Karmana tuman hududidagi to‘yxona hamda umumiy ovqatlanish joylarida karantin qoidalariga amal qilinish holati tekshirildi. Afsuski, ogohlantirish, targ‘ibot va profilaktik ishlar olib borilganligiga qaramay shaxsiy daromad orttirishni hamma narsadan ustun qo‘yayotgan ayrim kimsalar topildi.
Tadbir davomida Navoiy shahridagi bir qator kafelar masʼul shaxslari tomonidan karantin qoidalarini qo‘pol ravishda buzilayotganligi aniqlanib, ularga nisbatan O‘zbekiston Respublikasi MJtKning 54-moddasi 2-qismi bilan maʼmuriy bayonnomalar rasmiylashtirildi.
Shu bilan birga, aholi o‘rtasida targ‘ibot ishlari yana-da kuchaytirilib, karantin talablari amalda ekanligi yana bir marotaba eslatib o‘tildi.
