KARANTIN TALABLARI AMALDA
Jamoat joylarida tibbiy niqobsiz yurish taqiqlangan bo‘lishiga qaramasdan, o‘tkazilayotgan reyd tadbirlari davomida fuqarolarning tibbiy niqobsiz yurish holatlari uchrab turmoqda.
Milliy gvardiya Buxoro viloyati bo‘yicha boshqarmasi hamda viloyat IIB xodimlari tomonidan respublika Maxsus komissiyasi qarori ijrosini ta'minlash maqsadida o‘tkazilayotgan reyd tadbirlari davomida, aholi gavjum joylarda dezinfeksiyalash ishlarining doimiy tarzda yo‘lga qo‘yilganligi hamda fuqarolarning karantin talablariga rioya qilishi nazorat qilinmoqda.
Ta'kidlash joizki, bu kabi tadbirlarni o‘tkazishdan maqsad, kimnidir jazolash yoki ularning vaqtini olish emas, balki belgilangan tartib-qoidalarga barchaning birdek amal qilishini ta'minlashdan iborat.
Shunday ekan, "Ko‘rinmas balo" yonimizda, shu bois tartib-qoidalarga rioya qilib, niqob taqishni unutmaylik. Zero, sog‘lik - har bir inson uchun muhim.
