KO‘CHAT EKISH – EZGU ANʼANA
Milliy gvardiya harbiy xizmatchilari hamkor tashkilotlar bilan birgalikda o‘zlariga biriktirilgan hududlarni o‘rganish jarayonida Yashil makon umum milliy loyihasi doirasida daraxt ko‘chatlari ekish mumkin bo‘lgan joylarni aniqlab, mahalla ko‘rkiga husn qo‘shadigan manzarali, hosildor bo‘lgan mevali daraxtlar ko‘chatlarini ekishdi. Shuningdek, Chirchiq shahrida joylashgan Milliy gvardiya harbiy qismi, shahar hokimligi va ekologiya inspeksiyasi bilan hamkorlikda belgilangan hududlarga 200 tubdan ortiq manzarali daraxt ko‘chatlarini o‘tqazishdi.Bunday saʼy-harakatlardan ko‘zlangan asosiy maqsad, xalqimizga xos ezgu fazilatlarni qadrlash, tabiatga bo‘lgan hurmatni yoshlar qalbiga singdirish, qishloq va shaharlar, mahallalarni ko‘rkam ko‘rinishga keltirishdan iborat. Boshlangan mazkur tashabbus joylarda keng miqyosda davom ettirilmoqda.
