Milliy gvardiya qo‘mondoni general-mayor R. Djurayev bolalar bilan suhbatlashib, ushbu oromgohda taʼtil kunlari qanday o‘tayotgani, bu yerda ular maroqli hordiq chiqarishlari uchun qanday chora-tadbirlar amalga oshirilayotgani bilan qiziqdi. Qo‘mondon oromgoh tarbiyachilari va xodimlari bilan birgalikda ushbu oromgohda bolalar uchun yaratilgan shart-sharoitlar bilan tanishdi.

Shu kuni Milliy gvardiya qoshidagi Bolalar psixologiyasi markazi mutaxassislari tomonidan Kamondan otish Federatsiyasi va “Paxtakor kids” bolalar sport maktabi ishtirokida ko‘ngilochar tadbir tashkil etildi. Markaz mutaxassislari psixologik treninglarni o‘yinlar - kvestlarga aylantirdilar, unda ishtirok etish bolalarda ijodiy qobiliyatlarni va abstrakt fikrlashni, aqliy rivojlantirishga yordam beradi. Kvestning sport komponenti aniqlik, tezlik va jamoaviy ruhni rivojlantirishga imkon berdi. Kun so‘ngida Milliy gvardiya ashula va raqs ansambli hamda “Mehribonlik” uyi tarbiyalanuvchilari tomonidan tayyorlangan konsert dasturi bo‘lib o‘tdi.

Oromgohga O‘zbekiston Respublikasi Prezidenti huzuridagi Ijtimoiy himoya milliy agentligi mutaxassislari G. Nosirova, E. Lavrova, N. Shermatov va boshqalar tashrif buyurishib, yaratilgan shart sharoitlar bilan tanishdi.

Hozirda 22-sonli “Mehribonlik” uyida 158 nafar bola tarbiyalanmoqda. Bugungi kunda qancha bola oilalarga topshirilgani haqida batafsil bu yerda o‘qishingiz mumkin.