Milliy gvardiya qo‘mondoni poytaxtimizdagi 22-sonli Mehribonlik uyida tashkil etilgan bayramona tadbirda ishtirok etdi
O‘lkamizda Navro‘z shukuhi hukm surayotgan ayni pallada o‘tkazilayotgan bahoriy tadbirlar barchaga ko‘tarinki kayfiyat bag‘ishlamoqda.
Xususan, Milliy gvardiya qo‘mondonligi tashabbusi bilan Toshkent shahrida joylashgan 22-sonli Mehribonlik uyida bo‘lib o‘tgan tadbir ham tarbiyalanuvchilar uchun katta shodiyonaga aylandi.
Milliy gvardiya qo‘mondoni general-mayor R.Djurayev hamda bir qator hamkor tashkilot mutasaddi rahbarlari, tizim harbiy xizmatchilari ishtirokidagi tadbirda tarbiyalanuvchi o‘g‘il-qizlarning bo‘sh vaqtlarini mazmunli o‘tkazish va mustaqil hayotga tayyorlash maqsadida “Eng yaxshi osh” hamda “Eng yaxshi bahor salatlari” tanlovlari ham bo‘lib o‘tdi.
Tanlovda ishtirokchilarga Jamoat xavfsizligi universitetining kursant qizlari, shuningdek, muddatli harbiy xizmatchilar yaqindan yordam berishdi.
Yakuniy natijalarga ko‘ra bir-biridan shirin taomlar tayyorlagan jamoalar turli nominatsiyalar bo‘yicha munosib rag‘batlantirildi.
