Миллий гвардия қўмондони пойтахтимиздаги 22-сонли Меҳрибонлик уйида ташкил этилган байрамона тадбирда иштирок этди
Ўлкамизда Наврўз шукуҳи ҳукм сураётган айни паллада ўтказилаётган баҳорий тадбирлар барчага кўтаринки кайфият бағишламоқда.
Хусусан, Миллий гвардия қўмондонлиги ташаббуси билан Тошкент шаҳрида жойлашган 22-сонли Меҳрибонлик уйида бўлиб ўтган тадбир ҳам тарбияланувчилар учун катта шодиёнага айланди.
Миллий гвардия қўмондони генерал-майор Р.Джураев ҳамда бир қатор ҳамкор ташкилот мутасадди раҳбарлари, тизим ҳарбий хизматчилари иштирокидаги тадбирда тарбияланувчи ўғил-қизларнинг бўш вақтларини мазмунли ўтказиш ва мустақил ҳаётга тайёрлаш мақсадида “Энг яхши ош” ҳамда “Энг яхши баҳор салатлари” танловлари ҳам бўлиб ўтди.
Танловда иштирокчиларга Жамоат хавфсизлиги университетининг курсант қизлари, шунингдек, муддатли ҳарбий хизматчилар яқиндан ёрдам беришди.
Якуний натижаларга кўра бир-биридан ширин таомлар тайёрлаган жамоалар турли номинациялар бўйича муносиб рағбатлантирилди.
