KONYA - 2021:V ISLOM BIRDAMLIK O‘YINLARIDA ILK MAROTABA ISHTIROK ETGAN MILLIY GVARDIYA HARBIY XIZMATCHI VA XODIMLARI 5 TA MEDALNI QO‘LGA KIRITISHDI!
Joriy yilning 9-18 avgust kunlari Turkiyada bo‘lib o‘tgan, Konya-2021 V Islom birdamligi o‘yinlarida, O‘zbekiston 40 ga yaqin davlat ichida faxrli 2 o‘rinni egallab, tarixiy g‘alabaga erishdi. Ko‘p millatli, ko‘p turdagi xalqaro sport musobaqasida Milliy terma jamoamiz safida ilk marotaba ishtirok etgan Milliy gvardiyaning 7 nafar harbiy xizmatchi va xodimlari yuksak namunadagi medallarni qo‘lga kiritib, shohsupaning faxrli ikkinchi hamda uchinchi o‘rinlarini egallashdi.
Natijalarga ko‘ra:
-1 ta oltin medal Jalgasbay Berdimuratov yunon-rum kurashi yo‘nalishi bo‘yicha;
-1 ta oltin medal Mahmud Xayotov kikboksing yo‘nalishi bo‘yicha;
-1 ta kumush medal Doston Yoqubov og‘ir atletika yo‘nalishi bo‘yicha;
-2 ta bronza medallarni esa Shirina Zohidova hamda Munisa Qoraboyevalar kikboksing yo‘nalishi bo‘yicha qo‘lga kiritishdi.
Eslatib o‘tamiz: O‘zbekiston Milliy jamoamiz tarixiy g‘alabani qo‘lga kiritib, sportchilarimiz tomonidan 51 ta oltin, 42 ta kumush va 65 ta bronza, jami 158 ta medal qo‘lga kiritilib umumjamoa hisobida ikkinchi o‘rinni egalladi!
Milliy gvardiya qo‘mondonligi va shaxsiy tarkibi nomidan safdoshlarimizni Islom birdamlik o‘yinlaridagi muvaffaqiyatli ishtiroki bilan samimiy qutlaymiz va ularga Vatanimiz shon-shuhrati timsoli bo‘lgan bayrog‘imizni yuksaklarga ko‘tarishda ulkan zafarlar tilaymiz!
