KONYA - 2021: V ИСЛОМ БИРДАМЛИК ЎЙИНЛАРИДА ИЛК МАРОТАБА ИШТИРОК ЭТГАН МИЛЛИЙ ГВАРДИЯ ҲАРБИЙ ХИЗМАТЧИ ВА ХОДИМЛАРИ 5 ТА МЕДАЛНИ ҚЎЛГА КИРИТИШДИ!
Жорий йилнинг 9-18 август кунлари Туркияда бўлиб ўтган, Konya-2021 V Ислом бирдамлиги ўйинларида, Ўзбекистон 40 га яқин давлат ичида фахрли 2 ўринни эгаллаб, тарихий ғалабага эришди. Кўп миллатли, кўп турдаги халқаро спорт мусобақасида Миллий терма жамоамиз сафида илк маротаба иштирок этган Миллий гвардиянинг 7 нафар ҳарбий хизматчи ва ходимларидан 5 нафари юксак намунадаги медалларни қўлга киритиб, шоҳсупанинг фахрли иккинчи ҳамда учинчи ўринларини эгаллашди.
Натижаларга кўра:
-1 та олтин медаль Жалгасбай Бердимуратов юнон-рум кураши йўналиши бўйича;
-1 та олтин медаль Маҳмуд Хаётов кикбоксинг йўналиши бўйича;
-1 та кумуш медаль Достон Ёқубов оғир атлетика йўналиши бўйича;
-2 та бронза медалларни эса Ширина Зоҳидова ҳамда Муниса Қорабоевалар кикбоксинг йўналиши бўйича қўлга киритишди.
Эслатиб ўтамиз: Ўзбекистон Миллий жамоамиз тарихий ғалабани қўлга киритиб, спортчиларимиз томонидан 51 та олтин, 42 та кумуш ва 65 та бронза, жами 158 та медаль қўлга киритилиб умумжамоа ҳисобида иккинчи ўринни эгаллади!
Миллий гвардия қўмондонлиги ва шахсий таркиби номидан сафдошларимизни Ислом бирдамлик ўйинларидаги муваффақиятли иштироки билан самимий қутлаймиз ва уларга Ватанимиз шон-шуҳрати тимсоли бўлган байроғимизни юксакларга кўтаришда улкан зафарлар тилаймиз!
