Konstitutsiya – ma’muriy islohotlarning yo‘l xaritasi
Milliy gvardiya Jamoat xavfsizligini universitetida Oʻzbekiston Respublikasi Konstitutsiyasi qabul qilinganligining 33 yilligi munosabati bilan ma’muriy huquq fanidan viktorina o‘tkazildi. Viktorinada Jamoat xavfsizligi universiteti Maxsus fakulteti talabalari, Ichki ishlar vazirligi akademiyasi, Huquqni muhofaza qilish akademiyasi hamda Bojxona instituti kursantlaridan iborat jamoalar ishtirok etdi. Dastlab mehmonlarga Universitet tarixi va bugungi kunda amalga oshirilayotgan islohotlar haqida tayyorlangan videorolik namoyish etildi.
Viktorina qizg‘in va bahs-munozaralar bilan o‘tib, yakunida Jamoat xavfsizligi universiteti talabalari viktorinaning “Eng bilimdon jamoa”si, Huquqni muhofaza qilish akademiyasi tinglovchilari “Eng zukko jamoa”si, Ichki ishlar vazirligi akademiyasining kursantlari “Eng tezkor jamoa”si, hamda Bojxona instituti kursantlari “Eng faol jamoa”si deb topildi.
Tadbir so‘ngida jamoalar va ularning ustozlariga diplom va esdalik sovg‘alari, shuningdek har bir jamoa ishtirokchilariga “O‘zbekiston Respublikasi Konstitutsiyasi” kitobi topshirildi.
Tadbirdan ko‘zlangan maqsad Oʻzbekiston Respublikasi Konstitutsiyasi qabul qilinganligining 33 yilligi bayramini munosib qarshi olish, turdosh oliy ta’lim muassasalarining talaba, tinglovchi va kursantlarini bir maydonga chaqirish orqali bilimlarini boyitish va tajriba almashish hamda oliy ta’lim muassasalarimiz o‘rtasidagi do‘stona munosabatlarni yanada mustahkamlash.
