Конституция – маъмурий ислоҳотларнинг йўл харитаси
Миллий гвардия Жамоат хавфсизлигини университетида Ўзбекистон Республикаси Конституцияси қабул қилинганлигининг 33 йиллиги муносабати билан маъмурий ҳуқуқ фанидан викторина ўтказилди. Викторинада Жамоат хавфсизлиги университети Махсус факультети талабалари, Ички ишлар вазирлиги академияси, Ҳуқуқни муҳофаза қилиш академияси ҳамда Божхона институти курсантларидан иборат жамоалар иштирок этди. Дастлаб меҳмонларга Университет тарихи ва бугунги кунда амалга оширилаётган ислоҳотлар ҳақида тайёрланган видеоролик намойиш этилди.
Викторина қизғин ва баҳс-мунозаралар билан ўтиб, якунида Жамоат хавфсизлиги университети талабалари викторинанинг “Энг билимдон жамоа”си, Ҳуқуқни муҳофаза қилиш академияси тингловчилари “Энг зукко жамоа”си, Ички ишлар вазирлиги академиясининг курсантлари “Энг тезкор жамоа”си, ҳамда Божхона институти курсантлари “Энг фаол жамоа”си деб топилди.
Тадбир сўнгида жамоалар ва уларнинг устозларига диплом ва эсдалик совғалари, шунингдек ҳар бир жамоа иштирокчиларига “Ўзбекистон Республикаси Конституцияси” китоби топширилди.
Тадбирдан кўзланган мақсад Ўзбекистон Республикаси Конституцияси қабул қилинганлигининг 33 йиллиги байрамини муносиб қарши олиш, турдош олий таълим муассасаларининг талаба, тингловчи ва курсантларини бир майдонга чақириш орқали билимларини бойитиш ва тажриба алмашиш ҳамда олий таълим муассасаларимиз ўртасидаги дўстона муносабатларни янада мустаҳкамлаш.
