“KONSTITUTSIYA – FAROVON HAYOTIMIZ KAFOLATI”
O‘zbekiston Respublikasi Milliy gvardiyasi Ixtisoslashtirilgan o‘quv markazi shaxsiy tarkibi hamda markazda taʼlim olayotgan Milliy gvardiya hududiy boshqarmalari harbiy harbiy xizmatchilari bilan O‘zbekiston Respublikasi konstitutsiyasi qabul qilingan kunning
29 yilligi munosabati bilan “KONSTITUTSIYA – FAROVON, HAYOTIMIZ KAFOLATI” mavzusida tadbir bo‘lib o‘tdi.
Ushbu tadbirning asosiy maqsadi harbiy xizmatchilarda o‘z ona vatanidan g‘ururlanish tuyg‘usini yuksaltirish, yoshlarni vatanparvarlik ruhida tarbiyalash, shaxsiy tarkib qalbida shu yurt, shu vatan farzandi ekanligidan iftixor hisini oshirishga qaratildi.
Tadbirda O‘zbekiston Respublikasi Oliy Majlis Qonunchilik palatasi deputati, Mudofaa va Xavfsizlik masalalari qo‘mitasi aʼzosi, Ashmatov Farxodbek Burxonjonovich so‘zga chiqib Konstitutsiyamiz yaratilish tarixi, unga kiritilgan o‘zgartirishlar hamda qonunchilik jarayonlarida konstitutsiyaning tutgan o‘rni haqida yig‘ilganlarga maʼlumotlar berib o‘tdi.
Shundan so‘ng Toshkent shahar Mirzo Ulug‘bek tuman adliya bo‘limi boshlig‘i Berdiyev Abror Meliqulovich hozirgi vaqtda O‘zbekiston Respublikasi konstitutsiyasining amalda qonunchiligimiz jarayonlarida va real hayotga qanday tatbiq etilayotganini misollar bilan tushuntirib, O‘zbekiston Respublikasi Prezidenti Shavkat Miromonovich Mirziyoyevning Prezidentlik lavozimiga kirishish marosimida Konstitutsiyani rivojlangan davlatlar tajribasini inobatga olib zamon talablari asosida isloh qilish haqida aytib o‘tgan so‘zlarini yig‘ilganlarga tushuntirib berdi.
Tadbirda O‘zbekistonda xizmat ko‘rsatgan artist Otaboyev Alisher Isroilovich ishtirok etib, o‘z chiqishlarida hozirgi vaqtda konstitutsiyamizda belgilangan huquqlar, erkinliklar haqida to‘xtalib o‘zlari ham ijod bilan tinch xotirjam mashg‘ul ekanliklarini aytib, vatanparvarlik tuyg‘ulari ijod namunalaridan parchalar namoyish etdilar.
Tadbirda so‘ngida mehmonlarga faxriy yorliq va esdalik sovg‘alari berildi.
