Milliy gvardiya xodimlari kiyim do‘konida o‘g‘irlik qilishda gumonlangan shaxsni qo‘lga olishdi.
Poytaxtimizning “Chorsu” bozorida jamoat tartibini taʼminlash bo‘yicha xizmatga jalb qilingan Milliy gvardiya xodimlariga savdogarlar murojaat qilib, do‘konlaridan savdo buyumlari o‘g‘irlangani haqida xabar berishdi.
Olingan xabarga ko‘ra, bozor hududidagi videokuzatuv kameralari orqali olib borilgan o‘rganishlar natijasida, o‘g‘irlikda gumonlanuvchi shaxs qisqa vaqt ichida aniqlanib, bozor hududining o‘zida qo‘lga olindi. Ushbu fuqaro o‘rnatilgan tartibda xolislar ishtirokida ko‘zdan kechirilganda uning sumkasidan 2 million so‘mlik o‘g‘irlangan kiyim-kechak buyumlari mavjudligi aniqlandi.
Olib borilgan dastlabki o‘rganishlar natijasida ushbu fuqaro 31 yoshli M.Z ekanligi maʼlum bo‘lib, hozirda holat yuzasidan Shayxontohur tumani IIB xodimlari tomonidan tergov harakatlari olib borilmoqda.
