Миллий гвардия ходимлари кийим дўконида ўғирлик қилишда гумонланган шахсни қўлга олишди.
Пойтахтимизнинг “Чорсу” бозорида жамоат тартибини таъминлаш бўйича хизматга жалб қилинган Миллий гвардия ходимларига савдогарлар мурожаат қилиб, дўконларидан савдо буюмлари ўғирлангани ҳақида хабар беришди.
Олинган хабарга кўра, бозор ҳудудидаги видеокузатув камералари орқали олиб борилган ўрганишлар натижасида, ўғирликда гумонланувчи шахс қисқа вақт ичида аниқланиб, бозор ҳудудининг ўзида қўлга олинди. Ушбу фуқаро ўрнатилган тартибда холислар иштирокида кўздан кечирилганда унинг сумкасидан 2 миллион сўмлик ўғирланган кийим-кечак буюмлари мавжудлиги аниқланди.
Олиб борилган дастлабки ўрганишлар натижасида ушбу фуқаро 31 ёшли М.З эканлиги маълум бўлиб, ҳозирда ҳолат юзасидан Шайхонтоҳур тумани ИИБ ходимлари томонидан тергов ҳаракатлари олиб борилмоқда.
