Mazkur yo‘nalishdagi ishlar yuzasidan Maktab va maktabgacha taʼlim vazirligi hamda Milliy gvardiya mutasaddi rahbarlari tomonidan joylarga chiqqan holda manzilli chora-tadbirlar amalga oshirilmoqda.

Xususan, Milliy gvardiya qo‘mondoni o‘rinbosari S.Mamayusupov har ikkala tizimning Toshkent shahri boshqarmasi mutasaddi rahbarlari bilan birgalikda Mirobod tumanida joylashgan 125-sonli-o‘rta maktab o‘qituvchi va murabbiylari, inspektor-psixologlari hamda hududiy mahalla raislari bilan uchrashdilar.

Uchrashuv davomida maktab o‘quvchilarining o‘tgan hafta davomidagi darsdagi davomatlari tahlil qilinib, yuqori sinf o‘quvchilari bilan bog‘liq muammoli masalalar va ularning yechimi yuzasidan maktab direktori B.Mirxoliqovning fikr-mulohazalari, shuningdek Toshkent shahri bo‘yicha Milliy gvardiya boshqarmasi boshlig‘i A.Ortiqovning o‘rganishlar davomida aniqlangan  muammolar va ularning yechimi yuzasidan takliflari tinglandi.

Hamkorlikda yo‘lga qo‘yilgan ishlar samarasida o‘quvchilarining davomatida  ijobiy o‘zgarishlar kuzatilayotganligi, eng asosiysi maktabda elektron platformaga kiritilgan davomat maʼlumotlari bilan sinflardagi haqiqiy davomat o‘rtasida hech qanday  tafovut  uchramaganligi sababli maktab direktori B.Mirxoliqovga, Milliy gvardiya qo‘mondon buyrug‘iga asosan  qimmatbaho sovg‘a, qo‘l soati topshirildi.

Maktab o‘quvchilarini vatanparvarlik ruhida tarbiyalashga qaratilgan chora-tadbirlar, xususan ularni bo‘sh vaqtlarini mazmunli o‘tkazishlari uchun maʼnaviy-marifiy va vatanparvarlik tadbirlari, shuningdek sport to‘garaklarini kengaytirish masalalalari  yuzasidan aniq vazifalar belgilab olindi.