Мактаблардаги тарбия ва маънавият ҳамда ўқувчиларни ватанпарварлик руҳида тарбиялашга қаратилган масалаллар юзасидан Давлатимиз раҳбари томонидан белгилаб берилган устувор вазифаларнинг амалий ижроси таъминланмоқда
Мазкур йўналишдаги ишлар юзасидан Мактаб ва мактабгача таълим вазирлиги ҳамда Миллий гвардия мутасадди раҳбарлари томонидан жойларга чиққан ҳолда манзилли чора-тадбирлар амалга оширилмоқда.
Хусусан, Миллий гвардия қўмондони ўринбосари С.Мамаюсупов ҳар иккала тизимнинг Тошкент шаҳри бошқармаси мутасадди раҳбарлари билан биргаликда Миробод туманида жойлашган 125-сонли-ўрта мактаб ўқитувчи ва мураббийлари, инспектор-психологлари ҳамда ҳудудий маҳалла раислари билан учрашдилар.
Учрашув давомида мактаб ўқувчиларининг ўтган ҳафта давомидаги дарсдаги давоматлари таҳлил қилиниб, юқори синф ўқувчилари билан боғлиқ муаммоли масалалар ва уларнинг ечими юзасидан мактаб директори Б.Мирхолиқовнинг фикр-мулоҳазалари, шунингдек Тошкент шаҳри бўйича Миллий гвардия бошқармаси бошлиғи А.Ортиқовнинг ўрганишлар давомида аниқланган муаммолар ва уларнинг ечими юзасидан таклифлари тингланди.
Ҳамкорликда йўлга қўйилган ишлар самарасида ўқувчиларининг давоматида ижобий ўзгаришлар кузатилаётганлиги, энг асосийси мактабда электрон платформага киритилган давомат маълумотлари билан синфлардаги ҳақиқий давомат ўртасида ҳеч қандай тафовут учрамаганлиги сабабли мактаб директори Б.Мирхолиқовга, Миллий гвардия қўмондон буйруғига асосан қимматбаҳо совға, қўл соати топширилди.
Мактаб ўқувчиларини ватанпарварлик руҳида тарбиялашга қаратилган чора-тадбирлар, хусусан уларни бўш вақтларини мазмунли ўтказишлари учун маънавий-марифий ва ватанпарварлик тадбирлари, шунингдек спорт тўгаракларини кенгайтириш масалалалари юзасидан аниқ вазифалар белгилаб олинди.
