Maktablardagi tarbiya va maʼnaviyat hamda o‘quvchi-yoshlarni vatanparvarlik ruhida tarbiyalash, shu bilan birga, taʼlim muassasalaridagi davomat masalalari yuzasidan Davlatimiz Rahbari tomonidan belgilab berilgan ustuvor vazifalarning amaliy ijrosi taʼminlanib, faollar munosib rag‘batlantirilmoqa
Ayni kunlarda respublikamiz bo‘ylab mazkur ustuvor vazifalar yuzasidan masʼul rahbarlar boshchiligida amalga oshirilayotgan chora-tadbirlar o‘zining ijobiy samarasini berayotganligini hamda taʼlim tizimida yangicha yondashuv bilan faoliyat olib borayotgan fidokor va jonkuyar ustozlarning xizmatlari munosib rag‘batlantirilayotganligini alohida eʼtirof etish lozim.
Xususan, Milliy gvardiya Surxondaryo viloyati bo‘yicha boshqarmasi boshlig‘i Termiz shahrida joylashgan 1-sonli umumtaʼlim maktabida bo‘lib, o‘qituvchilar, inspektor-psixolog hamda hududiy mahalla raisi va faollari bilan uchrashib, yaqindan suhbat o‘tkazdi.
Unda maktab o‘quvchilarining o‘tgan hafta davomidagi darsdagi davomatlari tahlil qilinib, yuqori sinf o‘quvchilari bilan bog‘liq muammoli masalalar va ularning yechimi borasidagi masalalar atroflicha muhokama etildi. Uchrashuv doirasida o‘quvchilarning davomatida ijobiy o‘zgarishlar kuzatilayotgan, “Maktab – ota-ona – mahalla” tamoyili asosida ish olib borgan, o‘quvchilarni vatanparvarlik ruhida tarbiyalashda o‘zining munosib hissasini qo‘shgan bir guruh o‘qituvchilar eʼtirof etildi. Jumladan, 11-g sinf rahbari Olga Gladkova hamda 11-b sinf rahbari Gulzoda Pardayevalarga boshqarma boshlig‘ining tashakkurnomasi topshirildi.
Shuningdek, Urganch shahridagi 3-son maktab direktori Raʼno Abdullayevna O‘zbekiston Respublikasi Prezidentining 2024-yil 5-fevral kunidagi “Voyaga yetmaganlar o‘rtasida qonunbuzarliklar profilaktikasi tizimini takomillashtirish bo‘yicha qo‘shimcha chora-tadbirlar to‘g‘risida” gi qarori ijrosini taʼminlash yuzasidan maktabda olib borilayotgan o‘quvchilarning davomat masalalarida o‘zini yaxshi tomondan ko‘rsatganligi hamda shu bilan bir qatorda, voyaga yetmaganlar o‘rtasida nazoratsizlik va qonunbuzilishlarining oldini olishga munosib hissa qo‘shayotganligi uchun Milliy gvardiya Xorazm viloyati bo‘yicha boshqarmasi boshlig‘ining Faxriy yorlig‘i va esdalik sovg‘asi bilan taqdirlandi.
Shu bilan birga, Milliy gvardiya Sirdaryo viloyati bo‘yicha boshqarmasi va Qo‘riqlash boshqarmalari tomonidan o‘rganishlar natijasiga ko‘ra o‘quvchilarning bilim olishlari, maktab davomati hamda yoshlarni vatanparvarlik ruhida tarbiyalashga munosib hissa qo‘shib kelayotganliklari uchun Guliston shahridagi 7-sonli umumtaʼlim maktabi direktori Zafarova Nargiza Anvarovna hamda 11-sonli umumtaʼlim maktabi direktori Bektemirov Sirojiddin Rustamovichlar munosib taqdirlandi.
