MALAKA VA BILIM - MUSTAHKAM POYDEVOR
Poytaxtimizning kriminogen vaziyati murakkab mahallalarida xizmat olib borayotgan harbiy xizmatchilar uchun Milliy gvardiya Toshkent shahri bo‘yicha boshqarmasi maʼmuriy binosida bir oy mobaynida o‘quv yig‘ini bo‘lib o‘tdi.
Qiziqarli va shu bilan birga muhim bo‘lgan mashg‘ulotlar IIV Akademiyasining Jamoat tartibi va xavfsizlikni taʼminlash hamda Huquqbuzarliklar profilaktikasi kafedralari professor-o‘qituvchilari tomonidan olib borildi.
Milliy gvardiyaning jamoat tartibini saqlash va fuqarolar xavfsizligini taʼminlash, huquqbuzarliklar profilaktikasi va jinoyatchilikka qarshi kurashish faoliyatini samarali tashkil etish, shuningdek voyaga yetmaganlar, uyushmagan yoshlar, profilaktik hisobda turuvchi hamda maʼmuriy nazorat o‘rnatilgan shaxslar bilan ishlashda Milliy gvardiya hamda ichki ishlar organlari sohaviy xizmatlarining hamkorligini taʼminlash kabi mavzularni qamrab olgan o‘quv yig‘ini tizim xodimlarining kasbiy ko‘nikmalarini mustahkamlashga xizmat qildi.
Bundan tashqari, mashg‘ulotlar davomida huquqni muhofaza qiluvchi organlar faoliyatida qo‘llanilayotgan ilg‘or yondashuvlar yuzasidan o‘zaro tajriba almashildi.
Bu kabi o‘quv mashg‘ulotlarning tizimli tarzda tashkil etilishi malakali kadrlar hamda yuqori bilim va ko‘nikmalarining shakllanishida muhim ahamiyat kasb etadi.
