MAQSAD – MUAMMOLARGA IJOBIY YECHIM TOPISH
O‘zbekiston Respublikasi Milliy gvardiyasi Qoraqalpog‘iston Respublikasi bo‘yicha boshqarmasi Nukus harbiy prokuraturasi bilan hamkorlikda Qoraqalpog‘iston Respublikasi bo‘yicha Milliy gvardiya boshqarmasi va tasarrufidagi harbiy qism shaxsiy tarkibining oila aʼzolari ishtirokida bevosita muloqot va sayyor qabul o‘tkazildi.
Tadbir davomida, harbiy xizmatchilarning turmush o‘rtoqlari tomonidan farzandlarini maktab va maktabgacha taʼlim muassasasiga berishda yuzaga kelayotgan muammolarga yechim topishda yordam berishini, o‘z tadbirkorligini yo‘lga qo‘yishda banklardan kreditlarni olishda ko‘maklashish, ishga joylashish va boshqa bir qator masalalar bo‘yicha murojaat qilishdi, ko‘plab masalalar joyning o‘zida yechimini topdi.
Shuningdek, sayyor qabulda Nukus shahar «Ishga marhamat» Monomarkaz vakillari harbiy xizmatchilarning oila aʼzolari bilan suhbatlashib, 10 nafariga qayta tayyorlov kursida bepul taʼlim olish uchun yo‘llanmalar berishdi.
Shu bilan bir qatorda, barcha ishtirokchilar Nukus shahar «Sog‘lom turmush tarzi» Sog‘lomlashtirish markazi shifokorlarining tibbiy ko‘rigidan bepul o‘tkazildi.
