МАҚСАД – МУАММОЛАРГА ИЖОБИЙ ЕЧИМ ТОПИШ
Ўзбекистон Республикаси Миллий гвардияси Қорақалпоғистон Республикаси бўйича бошқармаси Нукус ҳарбий прокуратураси билан ҳамкорликда Қорақалпоғистон Республикаси бўйича Миллий гвардия бошқармаси ва тасарруфидаги ҳарбий қисм шахсий таркибининг оила аъзолари иштирокида бевосита мулоқот ва сайёр қабул ўтказилди.
Тадбир давомида, ҳарбий хизматчиларнинг турмуш ўртоқлари томонидан фарзандларини мактаб ва мактабгача таълим муассасасига беришда юзага келаётган муаммоларга ечим топишда ёрдам беришини, ўз тадбиркорлигини йўлга қўйишда банклардан кредитларни олишда кўмаклашиш, ишга жойлашиш ва бошқа бир қатор масалалар бўйича мурожаат қилишди, кўплаб масалалар жойнинг ўзида ечимини топди.
Шунингдек, сайёр қабулда Нукус шаҳар «Ишга марҳамат» Мономарказ вакиллари ҳарбий хизматчиларнинг оила аъзолари билан суҳбатлашиб, 10 нафарига қайта тайёрлов курсида бепул таълим олиш учун йўлланмалар беришди.
Шу билан бир қаторда, барча иштирокчилар Нукус шаҳар «Соғлом турмуш тарзи» Соғломлаштириш маркази шифокорларининг тиббий кўригидан бепул ўтказилди.
