MASʼULLAR MEHNATI MUNOSIB RAG‘BATLANTIRILDI
Milliy gvardiya qo‘mondonining birinchi o‘rinbosari polkovnik I.Ibragimov boshchiligida Milliy gvardiya Farg‘ona viloyati bo‘yicha boshqarmasi saf maydonida navbatdagi tadbir bo‘lib o‘tdi
Mazkur tadbirda O‘zbekiston Liberal-demokratik partiyasi Farg‘ona shahar kengashi deputatlari, "O‘zbekiston Respublikasi IIV, MV, DXX Qurolli mojarolar-antiterroristik kurash “Vatan” faxriylar fondi" bo‘lim boshlig‘i hamda Milliy gvardiya harbiy xizmatchilari ishtirok etishdi.
Tadbir davomida mehmonlar tomonidan, Milliy gvardiya qo‘mondoni boshchiligida yurtimiz bo‘ylab jamoat tartibini saqlash, fuqarolar xavfsizligini taʼminlash, yoshlarni harbiy vatanparvarlik ruhida tarbiyalash, ota-ona qaramog‘idan mahrum bo‘lgan bolalarning ijtimoiy himoyasiga qaratilgan samarali ishlar eʼtirof etildi.
Bu boradagi ishlarni Farg‘ona viloyatida jadallashtirishga qo‘shgan ulkan hissasi uchun "O‘zbekiston Respublikasi IIV, MV, DXX Qurolli mojarolar-antiterroristik kurash “Vatan” faxriylar fondi" tomonidan Milliy gvardiya Farg‘ona viloyati bo‘yicha boshqarmasi boshlig‘i polkovnik Sh.Akbarov ko‘krak nishoni bilan taqdirlandi. Shuningdek, bir qator harbiy xizmatchilarga fond tomonidan tashakkurnomalar tantanali ravishda topshirildi.
