MEHRIBONLIK UYI TARBIYALANUVCHILARI BILAN UCHRASHUV TASHKIL ETILDI
Milliy gvardiya Qoraqalpog‘iston Respublikasi bo‘yicha boshqarmasi va Qo‘riqlash boshqarmasi xodimlari tomonidan Xo‘jayli tumanidagi «Mehribonlik uyi» tarbiyalanuvchilarining yozgi taʼtil vaqtlarini mazmunli o‘tkazish va ularning dam olish kunlarida madaniy hordiq olishini taʼminlash maqsadida, «Biz ham harbiy bo‘lamiz!» shiori ostida madaniy tadbir tashkil etildi.
Mazkur tadbirda Milliy gvardiya Qoraqalpog‘iston Respublikasi bo‘yicha boshqarmasi boshlig‘i yoshlarga harbiy sohada amalga oshirilayotgan ishlar haqida tushuntirib, ularni muntazam ravishda sport bilan shug‘ullanishga va ko‘plab kitoblar o‘qishga chaqirdi.
Tadbir davomida harbiy xizmatchilar yoshlarni qurol-aslaha va harbiy texnikalar bilan tanishtirib o‘tdi.
O‘tkazilayotgan bu kabi tadbirlar yoshlarni harbiy vatanparvarlik ruhida tarbiyalashga xizmat qiladi.
