MEHRIBONLIK UYI TARBIYALANUVCHILARI KASB-HUNARGA O‘RGATILMOQDA
Joriy yilning 6 sentyabr kunidan Milliy gvardiya Buxoro viloyati Qo‘riqlash boshqarmasi tomonidan Mehribonlik uyi tarbiyalanuvchilari uchun axborot texnologiyalari (IT) bo‘yicha zamonaviy kasblarga yo‘naltiruvchi “Raqamli Avlod” to‘garagi tashkil etilib, 2D va 3D dizayn, robototexnika, raqamli media-marketing va frilansing bo‘yicha mashg‘ulotlar yo‘lga qo‘yildi. Hozirgi kunda Mehribonlik uyining 10 dan ziyod texnika va axborot texnologiyalariga qiziquvchi yoshlari fan va texnikani rivojlantirishning istiqbolli yo‘nalishlariga muvofiq texnik vositalar va kompyuter texnologiyalari ishlarini qunt bilan o‘rganishmoqda.
Shuningdek, "Qo‘riqlash servis" unitar korxonasi imkoniyatlaridan foydalangan holda amaliy va nazariy darslarda yoshlar, faqatgina dars mashg‘ulotlari bilan cheklanibgina qolmay, Milliy gvardiyaning jamoat tartibini saqlash hamda fuqarolar xavfsizligini taʼminlash borasidagi faoliyati bilan ham yaqindan tanishmoqda.
