Milliy gvardiya harbiy xizmatchilari o‘rtasidagi “O‘z kasbining ustasi” ko‘rik-tanlovining Respublika bosqichi yuqori saviyada o‘tkazildi
O‘zbekiston Respublikasi Prezidentining 2020 yil 1 dekabr kunidagi "O‘zbekiston Respublikasi Qurolli Kuchlarida o‘z kasbining ustasi unvoni uchun ko‘rik-tanlovini tashkil etish va o‘tkazish tartibini takomillashtirish to‘g‘risida”gi qaroriga asosan joriy yilning 9-12 sentyabr kunlari Jizzax viloyatidagi Forish tog‘ poligonida Milliy gvardiya miqyosida o‘z kasbining ustasi unvoni uchun ko‘rik-tanlovi bo‘lib o‘tdi.
Unda Milliy gvardiya hududiy boshqarmalari, alohida vazifalarni bajaruvchi brigadalari va Jamoat xavfsizligi universiteti bo‘linmalaridan "Eng ilg‘or serjant", "Eng ilg‘or guruh komandiri", "Eng ilg‘or otryad(vzvod) komandiri", "Eng ilg‘or batalyon komandiri" kabi nominatsiyalar bo‘yicha 100 ga yaqin harbiy xizmatchilar ishtirok etdi.
Mazkur ko‘rik-tanlovdan ko‘zlangan maqsad, harbiy xizmatchilarda o‘z kasbiga sadoqat xislarini kuchaytirish, ular o‘rtasidagi o‘zaro sog‘lom raqobat muxitini qo‘llab-quvvatlash, jangovar tayyorgarlik tizimini yana-da takomillashtirish. Shuningdek, harbiy xizmatchilar o‘rtasida yuksak harbiy intizomni mustahkamlash, komandirlik, jangovar va maxsus tayyorgarlik dasturlarini samarali o‘zlashtirilishi, shaxsiy tarkibning individual kasbiy mahoratini takomillashtirish, qomandirlik bo‘g‘iniga mansub harbiy xizmatchilarni intellektual salohiyati va yetakchilik fazilatlarini rivojlantirish orqali ofitser va serjantlar tarkibidan istiqbolli rahbar qadrlar zaxirasini shakllantirib borishdan iborat.
Ko‘rik-tanlov davomida harbiy xizmatchilarning jangovar va jismoniy tayyorgarlik darajasi hamda axloqiy-ruxiy sifat va ko‘nikmalari sinovdan o‘tkazildi.
