Миллий гвардия ҳарбий хизматчилари ўртасидаги “Ўз касбининг устаси” кўрик-танловининг Республика босқичи юқори савияда ўтказилди
Ўзбекистон Республикаси Президентининг 2020 йил 1 декабрь кунидаги "Ўзбекистон Республикаси Қуролли Кучларида ўз касбининг устаси унвони учун кўрик-танловини ташкил этиш ва ўтказиш тартибини такомиллаштириш тўғрисида”ги қарорига асосан жорий йилнинг 9-12 сентябрь кунлари Жиззах вилоятидаги Фориш тоғ полигонида Миллий гвардия миқёсида ўз касбининг устаси унвони учун кўрик-танлови бўлиб ўтди.
Унда Миллий гвардия ҳудудий бошқармалари, алоҳида вазифаларни бажарувчи бригадалари ва Жамоат хавфсизлиги университети бўлинмаларидан "Энг илғор сержант", "Энг илғор гуруҳ командири", "Энг илғор отряд(взвод) командири", "Энг илғор батальон командири" каби номинациялар бўйича 100 га яқин ҳарбий хизматчилар иштирок этди.
Мазкур кўрик-танловдан кўзланган мақсад, ҳарбий хизматчиларда ўз касбига садоқат хисларини кучайтириш, улар ўртасидаги ўзаро соғлом рақобат мухитини қўллаб-қувватлаш, жанговар тайёргарлик тизимини янада такомиллаштириш. Шунингдек, ҳарбий хизматчилар ўртасида юксак ҳарбий интизомни мустаҳкамлаш, командирлик, жанговар ва махсус тайёргарлик дастурларини самарали ўзлаштирилиши, шахсий таркибнинг индивидуал касбий маҳоратини такомиллаштириш, қомандирлик бўғинига мансуб ҳарбий хизматчиларни интеллектуал салоҳияти ва етакчилик фазилатларини ривожлантириш орқали офицер ва сержантлар таркибидан истиқболли раҳбар қадрлар захирасини шакллантириб боришдан иборат.
Кўрик-танлов давомида ҳарбий хизматчиларнинг жанговар ва жисмоний тайёргарлик даражаси ҳамда ахлоқий-рухий сифат ва кўникмалари синовдан ўтказилди.
