Milliy gvardiya organlari shaxsiy tarkibining qonunchilik va xizmat intizomiga qatʼiy rioya qilishi masalasida yig‘ilish o‘tkazildi
Milliy gvardiya Markaziy devonida qo‘mondon o‘rinbosari polkovnik S. Mamayusupov raisligida shaxsiy tarkibning qonunchilik va xizmat intizomiga qatʼiy rioya qilishi masalasida videoselektor yig‘ilishi o‘tkazildi.
Mazkur yig‘ilishda O‘zbekiston Respublikasi Harbiy sudi raisi O. Djumayev, Harbiy prokurorning birinchi o‘rinbosari adliya polkovnigi O. Xolboyev hamda asosiy hisobotlar bilan Milliy gvardiya Tarbiyaviy va Mafkuraviy ishlar boshqarmasi boshlig‘i Z. Alimov ishtirok etdi.
Konstruktiv-tanqidiy ruhda o‘tgan yig‘ilishda harbiy xizmatchi va hodimlar tomonidan sodir etilgan huquqbuzarlik holatlari hamda ularning kelib chiqish sabablari ko‘rib chiqildi. Shuningdek, yig‘ilish so‘ngida, rahbarlar va masʼul shaxslar zimmasiga shaxsiy tarkib bilan olib borilayotgan tarbiyaviy ishlar samaradorligini oshirish, harbiy xizmatchi va xodimlar hamda ularning oila aʼzolarining ijtimoiy himoyasi bo‘yicha chora-tadbirlarni kuchaytirish vazifasi yuklatildi.
