Joriy yilning 20-21 avgust kunlari O‘zbekiston Respublikasi Milliy gvardiyasi bo‘linmalarida “Eng ilg‘or feldsher” ko‘rik tanlovining yakuniy bosqichi o‘tkazildi.
O‘tkazilgan ushbu ko‘rik-tanlovda Respublikadan jami 19 nafar feldsherlar ishtirok etdi. Tanlovda ishtirokchilar mutaxassisligi bo‘yicha o‘zlarining nazariy bilim va amaliy ko‘nikmalarini mohirona namoyish etishdi.
Ko‘rik tanlovning asosiy maqsadi- harbiy xizmat nufuzini yana-da oshirish, Vatanga va o‘z kasbiga sadoqat hissini kuchaytirish, ular o‘rtasidagi o‘zaro sog‘lom raqobat muhitni yaratish, jang maydonida va turli shoshilinch holatlarda shaxsiy tarkibga tez tibbiy yordam ko‘rsatish bo‘yicha amaliy ko‘nikmalarini oshirish hisoblanadi.
Ko‘rik tanlov yakunlari bo‘yicha g‘oliblar Milliy gvardiya Ko‘mondoni buyrug‘i bilan munosib taqdirlanadilar.
