Milliy gvardiya Harbiy musiqa akademik litseyida " Biz ozod yurtning baxtiyor farzandlarimiz"shiori ostida maʼnaviyat festivali bo‘lib o‘tdi.
Mazkur festival maʼnaviyatning qadimiy ildizlari, noyob va betakror namunalari, bugungi kundagi rivojlanish tamoyillarini yangi bosqichga olib chiqish, shuningdek, yoshlar qalbida, mehr-oqibat, hamjihatlik, vatanparvarlik, shukronalik tuyg‘ularini rivojlantirishga qaratilgan. Bundan tashqari litseyda yil davomida maʼnaviy-maʼrifiy yo‘nalishda amaliy seminar-treninglar, badiiy kitoblar hamda tarixiy-milliy ko‘rgazmalar namoyishi,shoir va adiblar ishtirokida “Maʼrifat mushoira kechalari”, Axborot kutubxonasi bilan hamkorlikda kitoblar yarmarkalari, Sanʼat g‘unchalari ko‘rik tanlovi, turli soha vakillari bilan uchrashuvlar,Eng zukko kitobxon, Eng yaxshi iqtidorli o‘quvchi, Orasta qizlar ko‘rik tanlovlari o‘tkazilib kelinmoqda.
Maʼnaviyat festivali doirasida “Navro‘z dasturxoni”,"Mohir qo‘llar"tanlovlari, "Kitoblar ko‘rgazmasi", "Yosh ixtirochi fiziklar" ko‘rgazmasi, xalq o‘yinlari, shuningdek, litsey o‘quvchilarining viloyatlar kesimida badiiy chiqishlari namoyish etildi. Тadbirga tashrif buyurgan mehmonlar doshqozonda qaynab turgan sumalaklarni kavlab, ezgu niyatlar qilishdi.
Tadbirning badiiy qismida mehmon sanʼatkorlarning musiqiy chiqishlari ishtirokchilarni raqsga chorladi.
Festival yakunida barcha bayram dasturxoniga taklif etildi.
Bu kabi tadbirlarning muntazam o‘tkazilishi yosh avlodni madaniyat va sanʼat, jismoniy tarbiya va sportga jalb etishga, ularda axborot texnologiyalaridan to‘g‘ri foydalanish ko‘nikmasini shakllantirishga, yoshlar o‘rtasida kitobxonlikni targ‘ib qilishga, o‘quvchi yoshlarni vatanparvarlik ruhida tarbiyalashga keng zamin yaratmoqda.
