Milliy gvardiya Ixtisoslashtirilgan o‘quv markazida “Harbiy pedagogikada taʼlimning innovatsion yondashuvlari. Muammo va yechimlari” mavzusida Respublika ilmiy-amaliy konferensiya bo‘lib o‘tdi.
Mazkur konferensiya Sirdaryo viloyati Mirzaobod tumanida joylashgan Milliy gvardiya Ixtisoslashtirilgan o‘quv markazida tashkillashtirilib, unda Milliy gvardiya Jamoat xavfsizligi universiteti, viloyat prokuraturasi, Davlat xavfsizlik xizmati, Ichki ishlar boshqarmasi hamda Milliy gvardiya mintaqaviy o‘quv markazlari mutaxassislari shuningdek, Guliston Davlat universiteti va pedagogika instituti professor o‘qituvchilari ishtirok etishdi.
Shuningdek, konferensiyada Toshkent, Farg‘ona, Jizzax va Nukus mintaqaviy o‘quv markazlari tinglovchilari ham “online” tarzda ishtirok etib, mavzuga oid masalalar yuzasidan o‘zlarini qiziqtirgan savollarga javoblar olishdi. Bundan tashqari mavzuga doir nazariy va amaliy muammolar o‘rtaga tashlandi va ularning yechimlari bo‘yicha ilmiy asoslangan taklif va tavsiyalar shakllantirildi.
