Milliy gvardiya hududiy boshqarmalarida harbiy xizmatchi va xodimlar ishtirokida "Diniy ekstremizm va terrorizmning xavfsizlikka tahdidi" mavzusida davra suhbati o‘tkazilmoqda.
Harbiy xizmatchi va xodimlarning qonunchilik va harbiy intizomini yana-da mustahkamlash, jinoyat va huquqbuzarliklar sodir etilishining oldini olish hamda profilaktika kuni munosabati bilan Milliy gvardiya hududiy boshqarmalarida davra suhbatlari tashkil etildi.
Suhbat davomida tadbirga taklif etilgan mehmonlar tomonidan "Diniy ekstremizm va terrorizmning xavfsizlikka tahdidi" mavzusi haqida batafsil maʼlumotlar berilib, hayotiy misollar bilan ham tushuntirildi. Shuningdek, ekstremizm va terrorizmning barqaror rivojlanishi dunyodagi millatlararo totuvlikka tahdid solishiga sabab bo‘layotganligi va bu borada mamlakatimizda islohotli ishlar amalga oshirilayotganligi eʼtirof etildi.
Tadbir yakunida maʼruzachilar tomonidan ishtirokchilar eʼtiboriga tarbiyaviy ahamiyatga ega bo‘lgan videoroliklar namoyish qilindi.
