Milliy gvardiya harbiy xizmatchi va xodimlari tomonidan yaratilgan innovatsion hamda ratsionalizatorlik ishlanmalar ko‘rgazmasi o‘tkazildi
Joriy yilning 28 iyun kuni Navoiy viloyati bo‘yicha Milliy gvardiya boshqarmasida Milliy gvardiya harbiy xizmatchi va xodimlari tomonidan yaratilgan ilmiy-innovatsion hamda ratsionalizatorlik ishlanmalar ko‘rgazmasi o‘tkazildi.
Ko‘rgazmada Milliy gvardiyaning taʼlim muassasalari professor-o‘qituvchilari, ilmiy izlanuvchilari hamda ilmiy va innovatsion faoliyat sohasida katta tajribaga ega bo‘lgan mutaxassislar, shuningdek, O‘zbekiston Respublikasi Milliy gvardiyasi Qo‘riqlash bosh boshqarmasi, hududiy boshqarmalari hamda harbiy qismlari shaxsiy tarkibi tomonidan 2024 yilning birinchi yarim yilligi davomida ixtiro qilingan 60 dan ziyod ilmiy-innovatsion va ratsionalizatorlik ishlanmalari намойиш etildi.
Tadbirda shuningdek, Navoiy viloyatining hududiy Ichki ishlar boshqarmasi, Qorovul qo‘shinlari hamda Mudofaa vazirligining harbiy xizmatchilari, Qo‘riqlash boshqarmasi sohaviy boshqarmalari vakillari, Milliy gvardiya batalyon komandirlarining tarbiyaviy va mafkuraviy ishlar bo‘yicha o‘rinbosarlari hamda maktablarning inspektor psixologlari ishtirok etdilar.
