Milliy gvardiya va IIB xodimlari hamkorligida jinoyat qilganlikda ayblanib qidirilayotgan shaxslar qo‘lga olindi
Joriy yilning 6 oktyabr kuni Sergeli tumanidagi avtomobil ehtiyot qismlari bozorida Jamoat tartibini saqlash yuzasidan xizmatga jalb qilingan Milliy gvardiya xodimlari tomonidan qiyofasi qidiruvdagi shaxsga o‘xshash fuqaroni payqashgan. IIB xodimlari bilan hamkorlikda olib borilgan tezkor harakatlar natijasida ushbu fuqaro taxmin qilinganidek O‘zbekiston Respublikasi Jinoyat kodeksining 167- moddasi “O‘zlashtirish yoki rastrata yo‘li bilan talon-toroj qilish” bo‘yicha ayblanib qidiruvda bo‘lgan 35 yoshli fuqaro Sh. A. ekanligi aniqlangan.
Shuningdek, Chirchiq shahrida 10-11 oktyabrga o‘tar kechasi Milliy gvardiya va IIB xodimlari hamkorligida aholi osoyishtaligini taʼminlash maqsadida tungi xizmat olib borayotgan vaqtda “Tinchlik” MFYdagi maydonchada spirtli ichimlik isteʼmol qilayotgan bir guruh nomaʼlum shaxslarn baqir-chaqir qilib o‘tirganliklarini guvohi bo‘lishgan va ularga qonuniy chora ko‘rish maqsadida ushbu 4 nafar fuqaro yaqin hududda bo‘lgan IIBga yetkazilgan. Olib borilgan dastlabgi surishtiruvlar natijasida ulardan biri joriy yilning 5 sentyabr kunidan Toshkent viloyati IIBBda qidiruvda bo‘lgan 26 yoshli fuqaro A. A. ekanligi aniqlangan.
Har ikki holat yuzasidan IIB masʼul xodimlari tomonidan surishtiruv ishlari davom ettirilmoqda.
