Миллий гвардия ҳарбий хизматчилари ИИБ ходимлари билан ҳамкорликда жиноят қилганликда айбланиб қидирилаётган шахсларни қўлга олишди
Жорий йилнинг 6 октябрь куни Сергели туманидаги автомобиль эҳтиёт қисмлари бозорида Жамоат тартибини сақлаш юзасидан хизматга жалб қилинган Миллий гвардия ходимлари томонидан қиёфаси қидирувдаги шахсга ўхшаш фуқарони пайқашган. ИИБ ходимлари билан ҳамкорликда олиб борилган тезкор ҳаракатлар натижасида ушбу фуқаро тахмин қилинганидек Ўзбекистон Республикаси Жиноят кодексининг 167- моддаси “Ўзлаштириш ёки растрата йўли билан талон-торож қилиш” бўйича айбланиб қидирувда бўлган 35 ёшли фуқаро Ш. А. эканлиги аниқланган.
Шунингдек, Чирчиқ шаҳрида 10-11 октябрга ўтар кечаси Миллий гвардия ва ИИБ ходимлари ҳамкорлигида аҳоли осойишталигини таъминлаш мақсадида тунги хизмат олиб бораётган вақтда “Тинчлик” МФЙдаги майдончада спиртли ичимлик истеъмол қилаётган бир гуруҳ номаълум шахсларн бақир-чақир қилиб ўтирганликларини гувоҳи бўлишган ва уларга қонуний чора кўриш мақсадида ушбу 4 нафар фуқаро яқин ҳудудда бўлган ИИБга етказилган. Олиб борилган дастлабги суриштирувлар натижасида улардан бири жорий йилнинг 5 сентябрь кунидан Тошкент вилояти ИИББда қидирувда бўлган 26 ёшли фуқаро А. А. эканлиги аниқланган.
Ҳар икки ҳолат юзасидан ИИБ масъул ходимлари томонидан суриштирув ишлари давом эттирилмоқда.
