Milliy gvardiya Ixtisoslashtirilgan oʻquv markazida tahsil olgan navbatdagi bitiruvchilarga sertifikatlarni tantanali topshirish marosimi boʻlib oʻtdi.
Kurs davomida tinglovchilarga Milliy gvardiya Ixtisoslashtirilgan oʻquv markazi oʻqituvchilari tomonidan harbiy xizmatchilarning mutaxassisliklari boʻyicha oʻq otish, balandlikni ishgʻol qilish, ruhiy-jismoniy, jismoniy, aloqa, razvedka, maxsus taktik tayyorgarligi, moddiy-texnik taʼminot tayyorgarligi, muhandislik tayyorgarligi, jangovar texnikalarni boshqarish hamda taktik tibbiy tayyorgarlik fanlaridan nazariy va amaliy mashgʻulotlar olib borildi. Ular xizmat faoliyatlari davomida kerak boʻladigan bilim va koʻnikmalarga ega boʻldilar. Olingan bilim va koʻnikmalar professor oʻqituvchilar tomonidan sinovdan oʻtkazilib, barcha tinglovchilar kursni muvaffaqiyatli yakunladi.
Milliy gvardiya Ixtisoslashtirilgan oʻquv markazining navbatdagi kursini tamomlagan 70 nafar tinglovchilarga oʻquv markazining saf maydonida sertifikatlar Milliy gvardiya markaziy devoni masʼul ofitserlari va oʻquv markazining boshligʻi tomonidan tantanali ravishda topshirildi.
