Миллий гвардия Ихтисослаштирилган ўқув марказида таҳсил олган навбатдаги битирувчиларга сертификатларни тантанали топшириш маросими бўлиб ўтди.
Курс давомида тингловчиларга Миллий гвардия Ихтисослаштирилган ўқув маркази ўқитувчилари томонидан ҳарбий хизматчиларнинг мутахассисликлари бўйича ўқ отиш, баландликни ишғол қилиш, руҳий-жисмоний, жисмоний, алоқа, разведка, махсус тактик тайёргарлиги, моддий-техник таъминот тайёргарлиги, муҳандислик тайёргарлиги, жанговар техникаларни бошқариш ҳамда тактик тиббий тайёргарлик фанларидан назарий ва амалий машғулотлар олиб борилди. Улар хизмат фаолиятлари давомида керак бўладиган билим ва кўникмаларга эга бўлдилар. Олинган билим ва кўникмалар профессор ўқитувчилар томонидан синовдан ўтказилиб, барча тингловчилар курсни муваффақиятли якунлади.
Миллий гвардия Ихтисослаштирилган ўқув марказининг навбатдаги курсини тамомлаган 70 нафар тингловчиларга ўқув марказининг саф майдонида сертификатлар Миллий гвардия марказий девони масъул офицерлари ва ўқув марказининг бошлиғи томонидан тантанали равишда топширилди.
