Xorazm viloyatidagi 537 ta umumtaʼlim maktablarida xizmat faoliyatini boshlagan inspektor-psixologlar bilan “Umumtaʼlim maktablarida inspektor-psixologlar tomonidan psixologik muhitni yaxshilashda voyaga yetmagan bolalarni taʼlim olishi, ruhiy-ijtimoiy rivojlanishi, xulq og‘ishlariga qarshi immunitetni shakllanish jarayonlariga yangicha yondashuvni tatbiq etish” mavzusida, shuningdek, mutaxassis psixologlar bilan “O‘smirlarda xulkiy og‘ishlarni erta diagnostika kilishning zamonaviy usullari” mavzusida o‘quv-amaliy seminar o‘tkazildi.

Mazkur amaliy anjumanlar Urganch shahridagi Yoshlar markazi binosida o‘tkazilib, unda Milliy gvardiya Psixologik taʼminlash markazining malakali mutaxassislari hamda Jamoat xavfsizligi universiteti professor-o‘qituvchilari hamda Bolalar psixologiyasi markazi psixologlari o‘zlarining boy tajribalari bilan tadbir ishtirokchilariga mavzuga oid turli xildagi zamonaviy psixologik amaliyotlarni taqdim etishdi.

Xususan, maktab o‘quvchilarida xulqiy og‘ishlarni erta diagnostika kilish, oila-maktab-psixolog zanjirini mustahkamlash uchun ota-onalar bilan muloqot o‘rnatish usullarini tanlash, o‘quvchilarni esa o‘quv motivlarini shakllantirish va to‘g‘ri yo‘naltirishning psixologik mexanizmlarini qo‘llash usullari tushuntirib berildi.

Shuningdek, pedagogik mahoratni oshirish hamda taʼlim sifatini yaxshilash bo‘yicha o‘z ustida ishlash imkoniyatini kengaytirish, maktab va oilada psixologik muhitni sog‘lomlashtirish hamda ayrim oilalardagi nosog‘lom muhitni erta aniqlash borasida zamonaviy psixologik usullarni qo‘llash ko‘nikmasini shakllantirish va yondoshuvlarni tubdan o‘zgartirish bo‘yicha fikr-mulohazalar yuritildi.

Bunda ko‘zlangan maqsadga erishishda ekspress-diagnostika uchun proyektiv metodikalarni qo‘llash, psixologik instrumentlardan samarali foydalanish, psixologik portret yaratish, yakka tartibdagi suhbat va kuzatishlar orqali o‘smirlar o‘rtasida sodir etilishi mumkin bo‘lgan huquqbuzarlikni oldini olish hamda kurashuvchanlik immunitetini shakllantirish masalalariga alohida ahamiyat qaratildi.

Amaliy anjuman shoʻbalarga bo‘lingan holda psixolog mutaxassislar uchun xulq-atvor munosabatlarini tushunish, ijtimoiy moslashish va xatti-harakatlarga javob berishda intellekt xususiyatlarini baholash hulqiy og‘ishlarini korreksiya qilish bo‘yicha mahorat darslari tashkil etildi va zarur amaliy tushunchalar berildi.

O‘tkazilgan tadbir davomida ishtirokchilar kelgusidagi xizmat faoliyatida kerak bo‘ladigan nazariy xamda amaliy tajribalarga ega bo‘ldilar.