Milliy gvardiya Ixtisoslashtirilgan o‘quv markazida navbatdagi bitiruv tadbiri o‘tkazildi
Milliy Gvardiya Ixtisoslashtirilgan o‘quv markazida mutaxassislarni tayyorlash kurslarining navbatdagi bitiruv marosimiga bag‘ishlangan tantanali tadbir bo‘lib o‘tdi.
Tadbir davomida mutasaddilar kurslarni muvaffaqiyatli tugatgan harbiy xizmatchi va xodimlarga o‘zlarining iliq tilaklarini bildirishdi va kelgusidagi xizmatlarida omad tilashdi.
O‘quv markazida tahsil olgan jami 229 nafar Milliy gvardiya, Prezident davlat xavfsizlik xizmati, Davlat xavfsizlik xizmati chegara qo‘shinlari hamda Ichki Ishlar Vazirligidan harbiy xizmatchi va xodimlarga sertifikatlar topshirildi.
Shundan so‘ng, mutaxassisliklari bo‘yicha o‘q otish, balandlik ishg‘ol, ruhiy-jismoniy, jismoniy, aloqa, razvedka, maxsus taktik tayyorgarligi, moddiy-texnik taʼminot tayyorgarligi, modellashtirish va simulyatsiya, harbiy muhandislik tayyorgarligi fanlaridan nazariy va amaliy mashg‘ulotlar olib borildi hamda ular xizmat faoliyatlari davomida kerak bo‘ladigan bilim va ko‘nikmalarga ega bo‘ldilar.
