Milliy gvardiya Axborot xizmati harbiy xizmatchisi “Milliy armiyamiz – Yangi O‘zbekistonning mustahkam qalqonidir!" mavzusida o‘tkazilgan foto va videoroliklar tanlovi g‘olibi bo‘ldi
O‘zbekiston Milliy axborot agentligi O‘zbekiston Respublikasi Qurolli Kuchlari tashkil etilganligining 31 yilligi hamda Vatan himoyachilari kuni munosabati bilan “Milliy armiyamiz – Yangi O‘zbekistonning mustahkam qalqonidir!” mavzusida foto va videoroliklar tanlovini eʼlon qilgan edi.
Ijodiy ishlar mamlakatimiz Qurolli Kuchlarining tarixi va buguniga oid jarayonlarni, harbiy xizmatchilar hayotini, yoshlarni harbiy-vatanparvarlik ruhida tarbiyalashga oid lavhalarni o‘zida aks ettirgan bo‘lishi tanlovning asosiy sharti hisoblanadi.
80 nafarga yaqin foto va video ijodkorlaridan 600 dan ortiq ijodiy ishlar kelib tushgan. DXX akademiyasi, Favqulodda vaziyatlar, Ishki ishlar va Mudofaa vazirliklari, O‘zbekiston Milliy media assotsiatsiyasi, Respublika Maʼnaviy va maʼrifat markazi, Yozuvchilar uyushmasi xodimlaridan iborat hayʼat aʼzolari tomonidan baholandi.
Bugun, O‘zbekiston Respublikasi Qurolli Kuchlar davlat muzeyida tanlov g‘oliblarini taqdirlash marosimi bo‘lib o‘tdi. Unda Mudofaa vazirligi Maʼnaviyat va maʼrifat markazi boshlig‘i, polkovnik Valijon Dadajonov, O‘zbekiston Milliy axborot agentligi bosh direktor o‘rinbosari Xushnudbek Xudoyberdiyev va “Vatanparvar” gazetasi bosh muharriri, podpolkovnik Axror Ochilov ishtirok edi.
Tanlovning yakuniy natijalarga ko‘ra:
Fotolar yo‘nalishi bo‘yicha:
• 1-o‘rin – Surxondaryo viloyatidan Asliddin Alijonov;
• 2-o‘rin – “Vatanparvar” birlashgan tahririyati bo‘lim boshlig‘i Aziz Norqulov;
• 3-o‘rin esa “Qashqadaryo” va “Novosti Qashqadari” gazetalari fotomuxbiri Sobir Narziyev loyiq deb topildi.
Videoroliklar bo‘yicha esa:
• 1-o‘rin — Jasur Shermatov, Milliy gvardiya matbuot xizmati xodimi;
• 2-o‘rin — Behzod Hamrayev, O‘zbekiston Respublikasi Favqulodda vaziyatlar vazirligi matbuot xodimi;
• 3-o‘rin — Sirojiddin Vohidov, “Xalq so‘zi” va “Narodnoye slovo” gazetalari fotomuxbiri.
